Hvarfið Í byrjun áttunda áratugarins hverfur lítill drengur sporlaust á norðanverðu Ölandi. Fjölskylda hans, lögreglan og fjöldi sjálfboðaliða leita hans dögum saman. Tuttugu árum síðar fær Júlía, móðir drengsins, óvænt símtal frá öldruðum föður sínum, Gerlof Davidsson. Hann óskar eftir flví að hún komi til Ölands og aðstoði sig við að grafast fyrir um hvarf dóttursonarins. Útgáfudagur 30. mars Land draumanna Lögreglumaðurinn Lance Hansen í Minnesota finnur illa útleikið lík við Lake Superior. Hann hefur aldrei kynnst neinu í líkingu við þetta. Ungur norskur ferðamaður hefur verið myrtur á hroðalegan hátt og skilinn eftir í blóði sínu. Lance finnur vísbendingar um að annað morð hafi verið framið á þessum sama stað röskum hundrað árum fyrr, á tímum vesturferðanna þegar forfeður hans flykktust til Minnesota ásamt fjölda annarra Norðurlandabúa í leit að landi drauma sinna. Útgáfudagur 30. mars Vetrarblóð Það er grimmdarfrost – kaldasti febrúar í manna minnum. Lík manns finnst hangandi í stöku eikartré á vindbarinni sléttu á Östergötlandi. Ummerkin á vettvangi minna á ævaforna heiðna fórnarsiði. Malin Fors, ungri lögreglukonu og einstæðri móður sem glímir við erfið vandamál í einkalífinu, er falið að rannsaka málið. VETRARBLÓÐ kemur út þann 14.apríl. Árbók Akurnesinga 2009 Árbók Akurnesinga 2009 er níunda bókin í þessum flokki. Sú fyrsta kom út árið 2001. Fastir þættir í Árbók Akurnesinga eru ítarlegir og ríkulega myndskreyttir frétta- og íþróttaannálar. Í bókinni eru viðtöl við merka Akurnesinga, ýmsar frásagnir og myndaþættir ásamt æviágripum og myndum af Akurnesingum sem jarðsungnir eru frá Akraneskirkju á ári hverju. Nánar um efni bókar ef titill bókar er valinn. izle oyun oyun video pes youtube bedava izle izle oyun oyun Barna- og unglingafræðsla í Mýrasýslu 1880-2007 Í bókinni er fjallað ítarlega um farskóla í sjö hreppum sýslunnar á árunum 1907 til 1954, barna- og unglingaskólann í Borgarnesi 1908 til 2007 og greint frá stofnun og starfi Varmalandsskóla frá 1954 til 2007. Þróunarsaga barnafræðslu í Mýrasýslu er einnig merkileg fyrir það að þar var settur á stofn fyrsti heimavistarskóli á landinu sem hreppar í heilli sýslu stóðu sameiginlega að. Bókin er hátt á fjórða hundrað blaðsíðna í stóru broti. Fjöldi mynda prýðir hana og hefur víða verið leitað fanga til að gera þann þátt sem fjölbreyttastan. Hjá brúnni Kristín Ómarsdóttir sýnir enn og sannar með þessari bók að rödd hennar á sér enga hliðstæðu í íslenskum bókmenntum. Hjá brúnni einkennist af makalausu ímyndunarafli og einstakri hugmyndaauðgi, nístandi gálgahúmor, grallara- og prakkaraskap, skáldlegri myndvísi og ljóðrænni fegurð sem þó er borin fram með ögrandi tungutaki.Sagan er í senn fyndin og gáskafull, spennandi og ógnþrungin. Veisla fyrir öll skilningarvit. Veftir Ásgerður Búadóttir Ásgerður Búadóttir er án efa markverðasti veflistamaður Íslendinga á 20stu öld. Í þessari glæsilegu bók, sem rituð er bæði á íslensku og ensku, er rakinn ferill Ásgerðar frá skólaárunum í Handíða- og myndlistaskólanum í Reykjavík á öndverðum fimmta áratug síðustu aldar og allt til 1998, er hún sest í helgan stein. Birtar eru heilsíðumyndir af 58 veftum frá gjörvöllum ferli listakonunnar, og að auki fjölmargar teikningar frá námsárum hennar á Íslandi og í Danmörku, formyndir að veftum og ljósmyndir frá ýmsum tímum. Boðskort í þjóðarveislu Bjarni Bjarnason rithöfundur er þekktastur af skáldverkum sínum sem hafa aflað honum fjölda verðlauna. Í þessu safni greina um gildi, bókmenntir og samfélag sýnir hann á sér nýja hlið án þess að slaka nokkurs staðar á á kröfum um frjóan stíl og óvænt sjónarhorn. LANDIÐ SEM ALDREI SEFUR Landið sem aldrei sefur er þriðja skáldsaga hins víðförla Ara Trausta Guðmundssonar sem einnig hefur getið sér gott orð sem ljóðskáld með þremur ljóðabókum, auk þess að hafa hlotið verðlaun fyrir smásögur sínar. Í FÓTSPOR AFA MÍNS Út er komin bókin Í fótspor afa míns eftir Finnboga Hermannsson. Hér heldur Finnbogi áfram að rifja upp æsku sína þar sem frá var horfið í lok bókarinnar Í húsi afa míns frá 2008 sem nýtur mikilla vinsælda, hlaut einróma lof og var tilnefnd til Bókmenntaverðlauna bóksala. Bækur 11 - 20 af 118. Síða 2 af 12. Fara á síðu l 1 | 2 | 3 | 4 | 5 | 6 | 7 | 8 | 9 | 10 |