Enn er morgunn ENN ER MORGUNN er ný söguleg skáldsaga eftir Böðvar Guðmundsson, höfund hinna ástsælu bóka um íslensku vesturfaranna – Híbýli vindanna og Lífsins tré. Haustið 1936 kemur til Reykjavíkur ungur þýskur tónlistarmaður að nafni Jóhannes Kohlhaas. Hann er af gyðingaættum og hefur hrökklast undan nasistum, sem fara mikinn í heimalandi hans. Menningarlíf hins unga höfuðstaðar nýtur hæfileika hans um hríð, hann „aðlagast“ eins og það heitir nú á dögum, finnur meira að segja ástina og kvænist – stúlku af einni fínustu og áhrifamestu ætt landsins, Önnu Láru Knudsen. Milli barna MILLI BARNA er önnur ljóðabók Gunnars Más Gunnarssonar. Bókin er gefin út með Nýræktarstyrk frá Bókmenntasjóði. Ferskir vindar blása milli spjalda þessarar nýju ljóðabókar Gunnars. Stíllinn er kraftmikill og áræðinn, skáldið hikar hvergi við að nýta sér þann mátt sem býr í tungumálinu og leyfir textanum að hefja sig til flugs, án þess nokkurn tíma að missa jarðtenginguna. Hundgá úr annarri sveit HUNDGÁ ÚR ANNARRI SVEIT er fyrsta ljóðabók Eyþórs Árnasonar. Á bókarkápu segir: Að lesa verðlaunabókina Hundgá úr annarri sveit er ekki ólíkt því að fara með veiðistöng út í íslenska nátturu og renna fyrir silung. Ljóðmálið streymir fram eins og tært vatn, lesandinn finnur fyrir nærveru fiska undir niðri og kastar út agninu. Að sjálfsögðu bítur á og smám saman hleðst aflinn upp á bakkann. En eins og í öllum góðum veiðiferðum er það ekki aflinn sem mestu máli skiptir, heldur ferðin sjálf og snertingin vuð umhverfið - náttúruna. Hlustaðu á ljósið Njörður P. Njarðvík yrkir hér um það viðfangsefni sem fyrr eða síð­ar bíður allra, að líta inn á við. Sum ljóðanna eru sprottin beint úr ís­lenskri náttúru, önnur eru sótt í rauða mold Afríku. Úr þess­um ólíku þáttum er snúinn hljóðlátur strengur sem liggur gegn­um hávaða­samt mannlíf í átt til upphafsins, sjálfrar lífsorkunnar. Hún er manninum svo augljós að hann sér hana ekki – ekki frekar en fiskur­inn sem veit ekki af vatninu þegar hann syndir. Nokkur almenn orð um kulnun sólar NOKKUR ALMENN ORÐ UM KULNUN SÓLAR er þrettánda ljóðabók Gyrðis Elíassonar sem heldur áfram að einfalda ljóðmál sitt í þessari einstöku bók. Ljós og áhrifaríkur skáldskapur, prýddur þeirri myndvísi sem einkennir verk Gyrðis Elíassonar, blandast hér gamansemi og náttúrulýrík af ýmsu tagi, heitum tilfinningum og ótta sem er nær yfirborðinu en oft áður. Milli trjánna Milli trjánna er áttunda smásagnasafn Gyrðis Elíassonar, sem hlaut tilnefningu til hinna virtu Frank O’Connor bók­mennta­verðlauna vorið 2009 fyrir Steintré, síðasta smá­sagnasafn sitt. Og nú birtist safn 47 nýrra smásagna sem einkennast allar af þeim áreynslulausa og myndríka stíl sem prýðir verk Gyrðis. Þá kallast umfjöllunarefni þessa safns á við fyrri sögur höfundar. Hér bregður fyrir líkt og áður ýmiskonar óhugnaði og furðum, einsemd, draumum, ferðalögum, bernskuminningum og fram­tíðar­sýnum, auk þeirrar ísmeygilegu fyndni sem lesendur þekkja úr fyrri verkum. UPPSELD HJÁ FORLAGI!!! Ástandsbarnið Hvers vegna skyldi móðir Ericu Falck hafa varðveitt gamla nasistaorðu? Spuringin lætur Ericu ekki í friði og hún hefur uppi á sögukennara á eftirlaunum til að leita svara. Sá bregst hins vegar undarlega við og veitir engin svör. Tveimur dögum síðar er hann látinn. Myrtur. Ástandsbarnið er fimmta bók Camillu Läckberg um Ericu og Patrik hedström kemur út 25. september. VERÐ Í ÁSKRIFT: 1.990 KR. Sendingarkostnaður innanlands, kr. 190, bætist við. Anna R. Ingólfsdóttir þýddi. ... og svo kom Ferguson Í ár eru liðin rétt sextíu ár frá því fyrstu Ferguson-dráttarvélrnar komu til Íslands. Af því tilefni öðrum fremur hefur BJARNI GUÐMUNDSSON á Hvanneyri tekið bókina saman með aðstoð fjölda heimildarmanna. Bókin er gefin út með stuðningi Landbúnaðarsafns Íslands og rennur hluti andvirðis bókarinnar til safnsins. Predikarinn Camilla Läckberg vekur aðdáun vegna hæfni sinnar að halda mörgum boltum – og afbrotum – á lofti. Lesandanum er haldið föngnum á nákvæmlega réttu stigi óvissunnar. Frásögnin er hæg og skipuleg og hún gefur sér góðan tíma til að skyggnast inn í sálarlíf persónanna, um leið og spennan eykst óbærilega þegar örlagaþrungin lausn gátunnar nálgast.“ Svenska dagbladet Sigrún Ástríður Eiríksdóttir þýddi. Dætur málarans Dag nokkurn berst Maríu og Martin bróður hennar málverk frá ókunnri konu á Englandi. Málverkið er eftir föður þeirra, en hann hvarf að heiman þegar þau voru enn lítil börn. Þau ferðast til Suður-Englands og finna fljótt slóð föður síns. Hjalti Rögnvaldsson þýddi. Bækur 31 - 40 af 118. Síða 4 af 12. Fara á síðu l 1 | 2 | 3 | 4 | 5 | 6 | 7 | 8 | 9 | 10 | 11 | 12 |