Stúdíóið eftir Pekka Hiltunen í þýðingu Sigurðar Karlssonar. Stúdíóið hlaut finnsku glæpasagnaverðlaunin 2012 og er tilnefnd til Glerlykilsins, Norrænu glæpasagna- verðlaunanna 2013. Bókin er gefin út í kilju og er 440 blaðsíður. Lia verður fyrir tilviljun vitni að því þegar lík finnst í farangursgeymslu bíls í miðborg London. Líkt og aðrir borgarbúar fyllist hún hryllingi þegar fjölmiðlar greina frá því að vændiskona frá Lettlandi hafi verið myrt og með hvaða hætti. Vikur líða án þess að nokkuð nýtt komi fram í málinu og rannsóknin virðist fjara út en Lia getur ekki gleymt því sem hún sá. Þegar hún svo hittir Mari, samlöndu sína frá Finnlandi, er eins og örlögin hafi leitt þær saman. Mari er sálfræðingur sem býr yfir óvenjulegu innsæi og nýtir hæfileika sína til að hjálpa öðrum. Hún stýrir hópi fólks sem hún hefur safnað í kringum sig og höfuðstöðvarnar kalla þau Stúdíóið . Sterk vinátta tekst með Liu og Mari sem saman ákveða að rannsaka morðmálið frekar. Þar með hefst atburðarás með ófyrirséðum afleiðingum – því Mari svífst einskis þegar kemur að því að fullnægja réttlætinu … „Pekka Hiltunen krækir í lesandann strax á fyrstu síðu. Aðalpersónurnar eru áhugaverðar og höfundurinn er meðvitaður um málefni líðandi stundar. Stúdíóið er skáldsaga sem tekur á samtímanum.“ Apu „Stúdíóið færir út landamæri finnskra glæpasagna. Það er endurnærandi að lesa um rannsakendur glæpamála sem eiga ekki við áfengisvandamál eða kvennavandræði að stríða! Bókin vekur lesandanum von um að það sé raunverulega hægt að breyta heiminum til hins betra.“ Helsingin Sanomat Tvær bækur saman á forsölutilboði! Sauðfjárrækt á Íslandi Sauðfjárrækt byggir á aldagömlum merg og hefur verið samofin lífi Íslendinga frá öndverðu. Með því að nýta nánast allt sem sauðkindin gefur af sér hefur þjóðin lifað af margháttaða erfiðleika. Öflug sauðfjárrækt er stunduð á Íslandi og margvísleg nýsköpun henni tengd. Þrátt fyrir að fjárbúskapur eigi sér langa sögu sem mikilvæg atvinnugrein, er það ekki fyrr en með þessari bók að gefið er út alhliða fræðslurit um sauðfjárrækt á Íslandi. Bókin er gefin út í samstarfi við Landbúnaðarháskóla Íslands og er 300 blaðsíður í veglegu broti. ------------------------- Frá hestum til hestafla er þriðja bók Bjarna Guðmundssonar á Hvanneyri. Hinar fyrri, . . . og svo kom Ferguson og Alltaf er Farmall fremstur, hafa notið mikillar hylli, enda rekur höfundur sögu íslensks samfélags út frá framvindu í landbúnaði á fróðlegan og skemmtilegan hátt, að ógleymdu frábæru myndefni.   Í þessari bók segir Bjarni sögur af vinnuhestum og hestanotkun við bústörf, fyrstu dráttarvélinni sem til Íslands kom – Akranesstraktornum svonefnda, Lanz-þúfnabananum og loks af landbúnaðarjeppunum, Willys og Land Rover. Þá rifja átta einstaklingar upp minningar sínar frá þessum breytingatímum. Bókin er gefin út í samstarfi við Landbúnaðarsafn Íslands og er 250 blaðsíður í veglegu broti. Bækurnar munu koma út haustið 2013. Þeir sem kaupa þær í forsölu fá bækurnar sendar heim um leið og þær koma úr prentun, áður en þær fara í almenna dreifingu og sölu. Sauðfjárrækt á Íslandi Sauðfjárrækt byggir á aldagömlum merg og hefur verið samofin lífi Íslendinga frá öndverðu. Með því að nýta nánast allt sem sauðkindin gefur af sér hefur þjóðin lifað af margháttaða erfiðleika. Öflug sauðfjárrækt er stunduð á Íslandi og margvísleg nýsköpun henni tengd. Þrátt fyrir að fjárbúskapur eigi sér langa sögu sem mikilvæg atvinnugrein, er það ekki fyrr en með þessari bók að gefið er út alhliða fræðslurit um sauðfjárrækt á Íslandi. Sauðfjárrækt á Íslandi nýtist bæði starfandi bændum og öðru áhugafólki um sauðfé, sem og nemendum í búfræði, búvísindum og á námskeiðum um sauðfjárrækt. Bókin er fróðleiksbrunnur öllum þeim sem áhuga hafa á atvinnusögu Íslands og tengslum sauðfjár við íslenska menningu. Ritið er aðgengilegt og prýtt fjölda ljós- og skýringarmynda. Höfundar eru: Árni Brynjar Bragason, Bjarni Diðrik Sigurðsson, Emma Eyþórsdóttir, Eyjólfur Kristinn Örnólfsson, Guðmundur Hallgrímsson, Jóhannes Sveinbjörnsson, Jón Viðar Jónmundsson, Ólafur R. Dýr­mundsson, Sigurður Þór Guðmundsson og Svanur Guðmundsson. Ragnhildur Sigurðardóttir ritstýrði. Bókin er gefin út í samstarfi við Landbúnaðarháskóla Íslands og er 300 blaðsíður í veglegu broti. Sauðfjárrækt á Íslandi og Frá hestum til hestafla saman á forsölutilboði – smellið hér Bókin mun koma út haustið 2013. Þeir sem kaupa í forsölu fá bókina senda heim um leið og hún kemur úr prentun, áður en hún fer í almenna dreifingu og sölu. Frá hestum til hestafla Frá hestum til hestafla er þriðja bók Bjarna Guðmundssonar á Hvanneyri. Hinar fyrri, . . . og svo kom Ferguson og Alltaf er Farmall fremstur, hafa notið mikillar hylli, enda rekur höfundur sögu íslensks samfélags út frá framvindu í landbúnaði á fróðlegan og skemmtilegan hátt, að ógleymdu frábæru myndefni. Í þessari bók segir Bjarni sögur af vinnuhestum og hestanotkun við bústörf, fyrstu dráttarvélinni sem til Íslands kom – Akranesstraktornum svonefnda, Lanz-þúfnabananum og loks af landbúnaðarjeppunum, Willys og Land Rover. Þá rifja átta einstaklingar upp minningar sínar frá þessum breytingatímum. Bjarni Guðmundsson á Hvanneyri hefur verið óþreytandi við að afla heimilda og gagna um hvaðeina sem varðar þessa framvindu, sem er drjúgur þáttur íslensks samfélags alla tuttugustu öld. Þá er ótalið hið ómetanlega myndefni sem hann hefur viðað að sér víða að og er órjúfanlegur þáttur bóka hans. Síðast en ekki síst er Bjarni listagóður penni og segir þessa merku sögu á einkar lifandi og oft bráðskemmtilegan hátt. Bókin er gefin út í samstarfi við Landbúnaðarsafn Íslands og er 250 blaðsíður í veglegu broti. Sauðfjárrækt á Íslandi og Frá hestum til hestafla saman á forsölutilboði – smellið hér Bókin mun koma út haustið 2013. Þeir sem kaupa í forsölu fá bókina senda heim um leið og hún kemur úr prentun, áður en hún fer í almenna dreifingu og sölu. DREKINN eftir íslenska rithöfundinn Sverri Berg. Drekinn og er margslungin spennusaga sem gerist á vormánuðum 2013. „Hvað rekur mann til þess að henda sér fram af vita á Stokkseyri? Ég sé hann fyrir mér þar sem hann liggur í blóði sínu undir þessum vita í rúman sólarhring, án þess að nokkur yrði hans var. Án þess að nokkur saknaði hans.“ Flest bendir til að forstjóri Einarshafnar, eins stöndugasta smásölufyrirtækis landsins, hafi fyrirfarið sér enda kemur fljótt í ljós að þar er maðkur í mysunni og staðan allt önnur en talið var. Brynjari, sem starfar hjá ráðgjafarfyrirtæki í Reykjavík, er falið að rannsaka málið. Á sama tíma ríkir mikil eftirvænting í samfélaginu vegna fyrirhugaðrar olíuvinnslu á Drekasvæðinu. Fyrr en varir dregst Brynjar inn í atburðarás þar sem líf og tilvera venjulegs fólks er skiptimynt í miskunnarlausu valdatafli. Þúfnatal eftir Guðbrand Siglaugsson. Þetta er 12. ljóðabók Guðbrands, sem síðast sendi frá sér bókina Höfuð drekans á vatninu (2011). Guðbrandur Siglaugsson býr að afar persónulegu og heillandi ljóðmáli sem nýtur sín til fulls í þessari nýju bók. Tími kaldra mána eftir Magnús Sigurðsson. Þriðja ljóðabók Magnúsar, sem einnig hefur sent frá sér ljóðaþýðingar, smásagnasafn og greinasöfn. Magnús Sigurðsson er handhafi Ljóðstafs Jóns úr Vör 2013 og hlaut Bókmenntaverðlaun Tómasar Guðmundssonar fyrir fyrstu ljóðabók sína, Fiðrildi, mynta og spörfuglar Lesbíu. Skuldunautar eftir Steinunni G. Helgadóttur. Önnur bók Steinunnar, sem 2011 sendi frá sér Kafbátakórinn, sama ár og hún hlaut Ljóðastaf Jóns úr Vör. Stíll Steinunnar er knappur, engu er ofaukið, en um leið tekst henni að galdra fram kröftugan seið sem er fullur af merkingu. Nautnastuldur eftir Rúnar Helga Vignisson   Egill Grímsson er ungur maður sem er haldinn svokölluðum nautnastuldi, sálarkvilla sem orsakast af glímu við mótsagnakennd skilaboð. Einkennin lýsa sér í vanhæfni til að njóta lífsins gæða og sjúklegri feimni. Vandi Egils stafar m.a. af því að gömul og ný viðhorf togast stöðugt á í honum með þeim afleiðingum að honum fallast iðulega hendur frammi fyrir kröfum samfélagsins. Draugar fortíðar ásækja hann í líki silfurskottnanna Móra og Skottu og nútíminn mætir honum í faðmi föngulegra kvenna á framabraut. Nautnastuldur vakti mikla athygli þegar hann kom fyrst út og reyndist mörgum sannkallaður nautnafundur. Bókin var jafnframt tilnefnd til Íslensku bókmenntaverðlaunanna. Feigðarflan eftir  Rúnar Helga Vignisson   Skáldið Egill Grímsson hefur tekið ákvörðun um að stytta sér aldur. Framkvæmdin vefst þó fyrir honum og í leit að stund og stað ferðast hann á tveimur sólarhringum um líf sitt, land og íslenska samtímamenningu. Yfir öllu vokir kynleg feigð, eins og sveitir jafnt sem sjávarpláss riði til falls, og á köflum er engu líkara en íslenska þjóðin sé vegalaus eftir valdatöku jeppakynslóðarinnar.   Um þetta hrikalega landslag, sem þó er fullt af litríku fólki og spaugilegum uppákomum, ferðast lesandinn með laskaðan áttavita söguhetjunnar sér til halds og trausts.    Rúnar Helgi Vignisson hefur hér skrifað gráglettna sögu um grafalvarlegt málefni. En á meðan lesandinn veltir fyrir sér hvort hann eigi að hlæja eða gráta með persónum sögunnar, er eins víst að með honum vakni ýmsar spurningar um drifkraft manneskjunnar, um böndin á milli okkar og um sjálfa lífsgleðina.    Feigðarflan er tileinkað öllum þeim sem ekki eiga jeppa. Bækur 1 - 10 af 221. Síða 1 af 23. Fara á síðu l 1 | 2 | 3 | 4 | 5 | 6 | 7 | 8 | 9 |