Dagur kvennanna - Ástarsaga eftir Megas og Þórunni Erlu Valdimarsdóttur Dagurinn í haustkvosinni er Kvennafrídagurinn 24. október 1975. Clint Himinhrjóður Eastwood gengur sinn keika vanagang út úr Moggahöllinni og kinkar graðlega kolli til hverrar vanadísu er á vegi hans verður. Hann fylgist með 40.000 fótum og jafnmörgum brjóstum hópast angandi á Lækjartorg, ætlar inn á Hótel Borg og hittir dísina Máneyju í hringdyrunum, sem varðar eru af froski í einkennisklæðum: „Hér er kvennafundur.“ Handritið að þessari makalausu nóvellu hefur legið óútgefið í átján ár en lítur nú loks dagsins ljós. Eftir að kynjastríðið kom konum á toppinn var loks hægt að ljúka sögunni. Unnendur safaríkra og gróteskra karnivalbókmennta fagna. Spegill þjóðar eftir Njörð P. Njarðvík – persónulegar hugleiðingar um íslenskt samfélag. Í bókinni ræðir höfundur opinskátt við lesandann og veltir fyrir sér ástæðum þess að við stöndum nú í þeim sporum sem raun ber vitni. Hann er óhræddur við að segja hug sinn allan og fer engum silkihönskum um þá sem hann telur ábyrga fyrir óförunum, hvort sem það eru stjórnmálamenn, embættismenn, „útrásarvíkingar“ eða borgararnir sem gagnrýnislaust gína við hverju gylliboði. Spegill þjóðar er skráning á persónulegum vangaveltum um íslenskt samfélag frá miðri síðustu öld og fram í október 2010, með áherslu á atburði og þróun síðustu ára Geislaþræðir eftir Sigríði Pétursdóttur. Hér er á ferð nýstárlegt smásagnasafn og fyrsta bók Sigríðar. Þótt ýmislegt hafi breyst í samskiptum fólks á nýrri öld slá hjörtu mannanna alltaf eins. Í Geislaþráðum liggja leiðir fólks saman á Netinu – tölvupóstar skjótast á örskotsstund heimshorna á milli, eða bara yfir í næsta hverfi. Ástæðurnar fyrir því að fólkið sem við kynnumst í þessari bók byrjar að skrifast á eru mismunandi: Hulda, ófrísk táningsstúlka, kynnist aldraðri ástralskri konu og þær komast að því að þær eiga sitthvað sameiginlegt. Kveikjan að skrifum Alison og Höllu er karlmaður sem virðist ekki við eina fjölina felldur. Berglind býr yfir leyndarmáli og sendir Halldóri póst. Feðgarnir Gunnar og Árni Þorkell skrifast á yfir hafið. Geislaþræðir er nýstárleg bók. Sigríður Pétursdóttir kveður sér hljóðs sem þroskaður og áhugaverður rithöfundur með sínu fyrsta skáldverki. Fyrir þekkjum við Sigríði vel úr útvarpi en hér eru það persónur og leikendur sagnanna sem öðlast skýrar raddir. Við hlustum og við látum okkur örlög þeirra varða. Blindhæðir Ljóðabók eftir Ara Trausta Guðmundsson Sterkur þráður bindur saman ljóðin í Blindhæðum. Við fylgjum skáldinu um slóðir bernskunnar í borg og sveit. Ótal atvik á leið barns til þroska varða veginn uns dyr opnast að unglingshausti – og þá er ekkert lengur eins og það var. Í gegnum skýrar og meitlaðar ljóðmyndir byggist upp saga, úr borg bernskunnar rís ný borg sem verður stöðugt á vegi okkar, uppspretta minninga og innblástur þessara ljóða. Blindhæðir er fjórða ljóðabók Ara Trausta. Moldarauki eftir Bjarna Gunnarsson Moldarauki er óvenjulegur ljóðabálkur um ferðalag sem vekur okkur af dvalanum. Smátt og smátt skýrist stefnan og lesandanum kemur ekki á óvart að finna sjálfan sig fyrir í áfangastað. Ferðin sem í fyrstu virtist stefnulaus svo óvænt og ítrekað er skipt á milli ólíkra sviða er í raun einstaklega vel skipulögð reisa um lendur skáldskaparins og þaulhugsuð kortlagning á hinu mennska ástandi. Moldarauki er þriðja ljóðabók Bjarna Gunnarssonar, en áður hefur hann sent frá sér bækurnar Lúpínublámi og Blóm handa pabba. Kallinn undir stiganum - kilja Fredrik gengur allt í haginn. Hann er í góðri vinnu og kvæntur Paulu sem er virtur listmálari – dásamleg kona sem Fredrik tilbiður og furðar sig á að hafi viljað giftast honum. Saman eiga þau tvö börn og eru nýflutt í draumahúsið, gamalt og sjarmerandi nýuppgert hús á fallegum stað utan við Kungsvik. En svo tekur tilvera þessarar hamingjusömu fjölskyldu að breytast á heldur óhugnanlegan máta. Dag nokkurn þegar Fredrik fer á snemma á fætur eftir svefnlitla nótt mætir honum ókunnur maður á ganginum, lágvaxinn og ófrýnilegur náungi sem segist eiga heima í kompuni undir stiganum. Maðurinn er ákaflega óskýrmæltur en það fer ekki á milli mála – hann segist eiga heima undir stiganum. Hverju á Fredrik að trúa? Maðurinn verður æ oftar á vegi Fredriks og veröld hans virðist smám saman vera að breytast í martröð. Kallinn undir stiganum - innbundin Fredrik gengur allt í haginn. Hann er í góðri vinnu og kvæntur Paulu sem er virtur listmálari – dásamleg kona sem Fredrik tilbiður og furðar sig á að hafi viljað giftast honum. Saman eiga þau tvö börn og eru nýflutt í draumahúsið, gamalt og sjarmerandi nýuppgert hús á fallegum stað utan við Kungsvik. En svo tekur tilvera þessarar hamingjusömu fjölskyldu að breytast á heldur óhugnanlegan máta. Dag nokkurn þegar Fredrik fer á snemma á fætur eftir svefnlitla nótt mætir honum ókunnur maður á ganginum, lágvaxinn og ófrýnilegur náungi sem segist eiga heima í kompuni undir stiganum. Maðurinn er ákaflega óskýrmæltur en það fer ekki á milli mála – hann segist eiga heima undir stiganum. Hverju á Fredrik að trúa? Maðurinn verður æ oftar á vegi Fredriks og veröld hans virðist smám saman vera að breytast í martröð. Vetrarbraut eftir sænska skáldið KJELL ESPMARK í þýðingu NJARÐAR P. NJARÐVÍK. Í inngangi sínum að þessari mögnuðu ljóðabók ritar skáldið Kjell Espmark : „Ef maður ímyndar sér að sérhver mannsævi geymi eitt andartak þar sem öll reynsla og öll viðhorf þéttist í snöggan skilning, þá myndi alheimur tímans sem umlykur okkur, glitra eins og vetrarbraut slíkra opinberana. Stundum eru þær hrífandi bjartar, oftar deyfðar beiskju, en ævinlega í ljóma mannlegrar skarpskyggni. Meðal þeirra má jafnvel sjá óra fyrir svartholi, örlögum svo sárum og óskiljanlegum, að þau megna ekki að gefa frá sér minnsta ljós. Ef okkur tækist að fanga slíka vitnisburði, – hvernig myndu þeir hljóma?“ Vetrarbraut er bálkur ljóða þar sem brugðið er upp svipmyndum mannlegrar reynslu allt frá því í árdaga og til nútímans. Var það bara svona? eftir Kristínu R. Thorlacius með myndskreytingum Erlu Sigurðardóttur. Árið 2008 kom út bókin SAGA UM STELPU eftir Kristínu og Erlu og hlaut góðar undirtektir. Á bókarkápu VAR ÞAÐ BARA SVONA? segir: Amma kann margar sögur sem gott er að hlusta á. Og muna. Sagan hennar um stelpuna í sveitinni sem var illa við geithafrana er skemmtileg og fræðandi. Það er sagan af því þegar hrútarnir átu hafrana. Kristín R. Thorlacius segir frá á sprelllifandi og gamansaman hátt og Erla Sigurðardóttir gefur sögunni líf og lit með gullfallegum myndskreytingum. Helgi skoðar heiminn - barnabókin ástsæla, eftir Njörð P. Njarðvík rithöfund og Halldór Pétursson myndlistarmann. Þetta er sjötta útgáfa bókarinnar frá því hún kom fyrst út árið 1976 og auk íslensku útgáfunnar kemur sagan nú út í fyrsta sinn á ensku í þýðingu John Porter. Enska útgáfan ber titilinn Helgi Explores the World. Fáar íslenskar barnabækur hafa notið meiri hylli en Helgi skoðar heiminn og bókin á ekki síður erindi til æskunnar í dag en fyrir 34 árum síðan. Boðskapur bókarinnar er virðing fyrir lífinu og náttúrunni. Myndir Halldórs Péturssonar þekkja allir og snilld hans nýtur sín til fulls í þessari bók. Bækur 91 - 100 af 217. Síða 10 af 22. Fara á síðu l 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 |