Fréttir SVARTIR ENGLAR á þýsku og sænsku og BLÓÐBERG á dönsku 29. september 2007 Glæpasögur eftir Ævar Örn Jósepsson gera víðreist um þessar mundir en bækur hans eru að komu út í Þýskalandi, Danmörku og Svíþjóð nú í lok september. btb, sem er hluti útgáfurisans Random House - Bertelsmann gefur út Svarta engla í Þýskalandi undir heitinu Dunkle Seelen. Dirk Gerdes þýðir. Hið sístækkandi útgáfuveldi Aschehoug gefur út Blóðberg í Danmörku í þýðingu Áslaugar Rögnvaldsdóttur. Bókin kom út 25. september og daginn eftir mátti lesa á sentura.de: „Ævar Örn Josepsson har skrevet en stærk og anbefalelsesværdig krimi, som foregår i et kontroversielt miljø (. . .) man fanges ind af det psykiske miljø i dette isolerede multinationale samfund præget af magtkampe, seksuelle udskejelser, afhængighed og grådighed.“ Sá yðar sem syndlaus er er væntanleg á dönsku í janúar 2008 hjá sama forlagi. Svartir englar komu út fyrir nokkrum dögum í Svíþjóð hjá Schibsted förlaget. Ylva Hellerud þýðir. Höfundurinn sjálfur er líka á flandri. Í lok október er Ævar Örn gestur á mikilli glæpasagnahátið í Berlín ("Krimitage Berlin") ásamt fleiri íslenskum glæpasagnahöfundum. Þann 11. nóvember áritar hann síðan nýútkomna Svarta engla á sænsku og les upp í stærstu bókabúðinni í Helsingborg. Til baka