Fréttir „EINHVER FLOTTASTA BÓK ÁRSINS . . .“ 18. janúar 2009 Í byrjun desember kom út listaverkabók um Elías B. Halldórsson listmálara. Bókin þykir í alla staði hin glæsilegasta. Prenmet sá um prentun bókarinnar. Starfsmenn Prentmets, ásamt öllum öðrum er komu að gerð bókarinnar, tókst að skapa listaverk - um listamanninn og verk hans. Framlag þeirra er þeim öllum til mikils sóma. Ummæli um bókina: „Þessi bók er öllum til sóma, aðstandendum, málaranum góða, höfundum, forlaginu, prentsmiðjunni – og kaupendum. Einhver flottasta bók ársins.“ Guðmundur Andri Thorsson, rithöfundur „Það er allt fallegt við þessa bók. Pappírinn, uppsetningin, litgreining, efnisröðun - að ógleymdum undurfallegum myndum Elíasar. Og pökkuð inn í sólskin.“ Valgerður Benediktsdóttir, réttindastofu Forlagsins „Glæsiverk og vandað í alla staði.“ Skúli Björn Gunnarsson, forstöðumaður Gunnarsstofnunar „Elíasarbók er stórglæsileg. Þessi útgáfa er þrekvirki.“ Aðalsteinn Ásberg Sigurðsson, rithöfundur og útgefandi „Bókin er sannkallað fágæti. Það er uppörvandi að menn skuli enn ráðast í svo metnaðarfullar útgáfur.“ Sigurður Svavarsson, bókaútgefandi „Þetta er með fallegri málverkabókum sem ég hef séð á markaðnum“ Svanur Jóhannesson, bókbindari „ . . . með því sem best gerist í útgáfu bóka af þessu tagi.“ Ísak Harðarson, rithöfundur „Þetta er mikil bók – með fallegri verkum sem maður hefur séð og handfjatlað – það verður miðað við hana framvegis í þessum bransa.“ Jón Kalman Stefánsson, rithöfundur „Mér líst stórvel á Elíasarbók.“ Hermann Stefánsson, rithöfundur „Glæsileg og stórmerk bók.“ Magnús Sigurðsson, rithöfundur „Til hamingju með Elíasarbók! Hún er frábært verk í alla staði og setur ný viðmið hvað varðar hugsun og útfærslu listaverkabóka á Íslandi.“ Sjón, rithöfundur „Mikinn dýrgrip getur nú að líta í verzlunum, þar sem er bókin mikla um Elías.“ Þorsteinn frá Hamri Bæklingur - Elías B. Halldórsson - listaverkabók Til baka