Fréttir Johan Theorin tilnefndur til verðlauna 27. maí 2010 Johan Theorin, höfundur Hvarfsins og handhafi Glerlykilsins 2009, var á dögunum tilnefndur til hinna virtu CWA INTERNATIONAL DAGGER verðlauna í Bretlandi fyrir aðra bók sína, sem á frummálinu heitir Nattfåk en The Darkest Room á ensku. Bókin mun koma út á íslensku hjá Undirheimum snemma á næsta ári í Þýðingu Önnu Ragnhildar Ingólfsdóttur. Sex höfundar eru tilnefndir til Rýtingsins og er gaman að geta þess að ásamt Theorin er þar að finna Stieg Larsson og Arnald Indriðason. Verðlaunin verða afhend 23. júlí nk. Nýjasta bók Theorins, Blodläge, hefur setið í efstu sætum sænska metsölulistans síðan hún kom út í apríl sl. Til baka