Fréttir Sandárbókin og Gangandi íkorni eftir Gyrði gefnar út á þýsku 9. september 2010 Svissneska forlagið Walde + Graf Verlag hefur fest kaup á útgáfurétti tveggja bóka Gyrðis Elíassonar, Sandárbókinni, pastoralsónötu, sem kom út árið 2007, og Gangandi íkorna, fyrstu skáldsögu Gyrðis frá 1987. Báðar bækurnar verða gefnar út á þýsku í Sviss á næsta ári. Fáar íslenskar skáldsögur hafa hlotið jafn einróma lof og Sandárbókin, og með Gangandi íkorna sýndi Gyrðir hversu sterk tök hann hefur á ólíkum formum skáldskaparins. Vaxandi áhugi er á verkum Gyrðis og má nefna að í undirbúningi er þýsk þýðing á ljóðabókinni NOKKUR ALMENN ORÐ UM KULNUN SÓLAR , og rómað smásagnasafn hans frá síðasta ári, MILLI TRJÁNNA, sem tilnefnt var til Íslensku bókmenntaverðlaunanna, hefur vakið athygli útgefenda í Skandinavíu. Peter Graf hjá Walde + Graf í Zurich komst svo að orði þegar hann falaðist eftir útgáfuréttinum: „I `m totally impressed by Gyrðir`s brilliant writing and it would mean a lot to me, if I could publish this two books in spring and autumn 2011“ Umsagnir um Sandárbókina: Frábær bók (. . .) Gyrðir er einn af þessum fáum höfundum okkar sem sendir alltaf frá sér góð verk. (. . .) Þetta er alveg fantagóð bók.“ Kolbrún Bergþórsdóttir – KILJAN „Skrifuð af fádæma ritsnilld.“ Páll Baldvin Balvinsson – KILJAN „Sandárbókin (er) sálumessa yfir okkur sjálfum, náttúru okkar og list. Slíkur er afraksturinn i snilldarverki, og sem væntanlega mun hljóma jafn lengi og við fáum að fljóta grandalaus að feigðarósi.“ Ása Helga Hjörleifsdóttir. VÍÐSJÁ “Bókin fangar huga manns eftir því sem á líður, og það sem er ennþá meira gaman er að hún lætur mann ekki í friði og sleppir manni ekki eftir maður hefur lagt hana frá sér.“ Atli Heimir Sveinsson, – KILJAN Til baka