Fréttir Gyrðir Elíasson tilnefndur til Íslensku þýðingaverðlaunanna 1. desember 2011 Gyrðir Elíasson var í dag tilnefndur til Íslensku þýðingaverðlaunanna fyrir ljóðasafnið Tunglið braust inn í húsið. Bókin kom út í apríl í vor á fimmtugsafmæli þýðandans og seldist upp á nokkrum vikum. Annarri prentun var dreift í verslanir nú á haustmánuðum. Uppheimar óska Gyrði Elíassyni til hamingju með tilnefninguna. Tunglið braust inn í húsið er viðamikið safn ljóða eftir 36 skáld víðsvegar að úr heiminum. Það elsta, kínverska skáldið Tao Tsien, var uppi á fjórðu öld en það yngsta, bandaríska skáldkonan Jane Hirshfield, er fædd 1953. Til baka