Fréttir

SJÓRÆNINGI SEGIR FRÁ eftir Natalie Babbitt 4. nóvember 2009 Út er komin barnabókin SJÓRÆNINGI SEGIR FRÁ eftir Natalie Babbitt. Sagan segir frá Jóa Planka sem er atvinnulaus sjóræningi í leit að vinnu. Svo virðist sem Jói hafi aldrei verið neitt sérstaklega góður í starfi ræningjans; honum líkaði betur að halda sig um borð og elda súpu. Því var hann látinn taka pokann sinn og settur á land í litlum hafnarbæ á Jamaíka þar sem hann settist að í gistihúsi frú DelFresno. Jói reynir fyrir sér í ýmsum störfum en finnur ekkert við sitt hæfi. Á kvöldin situr hann á gistihúsinu og segir mergjaðar sögur af sjóræningjalífi sínu - þar sem m.a. koma fyrir hafmeyjar, draugar og menn sem breytast í kolkrabba . . . SJÓRÆNINGI SEGIR FRÁ er bráðskemmtilega barnabók eftir Natalie Babbitt. Kristín R. Thorlacius þýddi. FÓLKIÐ SEM GAT EKKI DÁIÐ eftir sama höfund kom út hjá Uppheimum 2006, Gyrðir Elíasson þýddi.

Til baka