Skoða Körfu |  Bókaleit  5 virkir notendur   Land tækifæranna - kilja Ísland var land tækifæranna í augum Mareks Pawlak. Hér ætlaði hann að hefja nýtt líf ásamt unnustu sinni og bróður, réttu megin laganna og laus við alla fortíðardrauga. Hann fór að vinna í byggingabransanum – en sá svo ný tækifæri sem hann gat ekki með góðri samvisku látið ónotuð. Líkt og Marek var Daníel Marteinsson í byggingabransanum, þótt á öðrum forsendum væri. Á undraskömmum tíma varð hann einn ríkasti maður landsins, svellkaldur útrásarvíkingur sem baðaði sig í kastljósi fjölmiðla og aðdáun almennings jafnt sem ráðamanna. Haustið 2008 reynist örlagaríkt. Andrzej, bróðir Mareks, finnst myrtur og stórkostleg spilaborg Daníels og útrásarvina hans hrynur, með skelfilegum afleiðingum fyrir alla íslensku þjóðina. Þegar illa útleikið lík Daníels finnst í hálfkláruðu risaeinbýlishúsinu sem hann var að reisa, í stað þeirra sem hann lét rífa, reynist því enginn skortur á grunuðum . . . Rannsóknarlöggurnar Katrín, Guðni, Árni og Stefán finna fljótlega tengsl á milli þessara gjörólíku manna – en hvort þau skipta einhverju máli er svo allt annar handleggur. Bækur Ævars Arnar Jósepssonar njóta mikillar hylli lesenda enda er Ævar Örn í fremstu röð glæpasaganhöfunda landsins. Höfundur: Ævar Örn Jósepsson Útgáfuár: 2009 Band: Kilja Verð: 2.280 kr. Tilboðsverð: 1.990 kr. Fjöldi: Bókaklúbbsverð: 1.990 kr. Panta á bókaklúbbsverði